Karlsen turnirin ilk günündə diqqət mərkəzinə düşdü
Qətərin paytaxtı Dohada rapid və blits üzrə 2025-ci il dünya çempionatı start götürüb.
TodayPress TV xəbər verir ki, bu barədə TASS agentliyi məlumat yayıb.
Norveçli qrossmeyster, şahmat üzrə 16-cı dünya çempionu Maqnus Karlsen dünya çempionatında simvolik ilk gedişə təyin olunan vaxta çata bilməyib.
Onu bir neçə dəqiqə ərzində Beynəlxalq Şahmat Federasiyasının (FIDE) prezidenti Arkadiy Dvorkoviç gözləyib.
Turnirin ilk günündə şahmatçılar rapid formatında mübarizə aparıblar.
Yarışın iştirakçıları arasında Yan Nepomnyaşi, Fabiano Karuana, Daniil Dubov, Yekaterina Laqno və Aleksandra Qoryaçkina da yer alıb.
Rapid və blits üzrə dünya çempionatı 26–30 dekabr tarixlərində keçiriləcək.
Namiq HUN
