Joni Montiel “Qarabağ”da!
“Qarabağ” klubu yeni mövsüm üçün daha bir futbolçunu heyətinə qatıb.
TodayPress TV xəbər verir ki, son mövsümdə İspaniyanın “Rayo Valyekano” klubunda çıxış edən Joni Montielinkeçidi rəsmiləşib.
Futbolçu ilə 2+2 illik müqavilə imzalanıb. Hücumameylli yarımmüdafiəçi “Qarabağ”da 9 nömrəli forma ilə çıxış edəcək.
26 yaşlı sol vinger “Rayo Valyekano” klubunun yetirməsidir. O, 2015-ci ildə əsas komandaya keçib. Joni klubda keçirdiyi 10 ildə icarə əsasında “Toledo”, “Deportivo” (La-Korunya), “Ovyedo”, “Valyadolid”, “Levante” və “Burqos” klublarında icarədə olub. O, İspaniyanın U-17, U-18 və U-19 yığmalarının formasını da geyinib.
Qeyd edək ki, “Qarabağ” daha əvvəl dörd futbolçunu – Dani Bolt, Pedro Bikalyo, Kris Kuakunu və Sami Mmaeni heyətinə qatıb.
Namiq HUN
