İspaniya Optaya görə mundialın bir nömrəli favoritidir
Opta superkompüteri 2026-cı il dünya çempionatının əsas favoritini müəyyənləşdirib.
TodayPress TV Optaya istinadən xəbər verir ki, İspaniya yığma komandası 17% ehtimalla mundialın qalibi olacaq.
Fransanın qalib olmaq şansı 14,1%, İngiltərənin 11,8% göstərilir. Hazırkı dünya çempionu Argentina yığma komandasına isə Opta 8,7% ehtimal verir.
Qeyd edək ki, DÇ-2026 iyunun 11-dən iyulun 19-dək ABŞ, Kanada və Meksikada keçiriləcək. Mundialda futbol tarixində ilk dəfə olaraq 48 milli komanda iştirak edəcək.
Xatırladaq ki, 2022-ci ildə Argentina dünya çempionatının finalında Fransanı məğlub edib. Cənubi Amerika təmsilçisi əsas vaxtı 3:3 hesabı ilə başa çatan qarşılaşmanı penaltilər seriyasında qazanıb.
Namiq HUN
