Hemilton MotoGP-də komanda alacaq?
Yeddiqat “Formula-1” çempionu və “Ferrari” pilotu Lyuis Hemilton “Cadillac” sahiblərinin dəstəyi ilə MotoGP çempionatında komanda almaq imkanlarını nəzərdən keçirir.
TodayPress TV xəbər verir ki, bu barədə Autosport məlumat yayıb.
Bu addımın Liberty Media-nın seriyanı satın almasından sonra gözlənilən inkişafla bağlı olduğu bildirilir. Hemilton satışa çıxarıla biləcək dörd özəl komandanı araşdırır.
Bir komanda direktoru bildirib:
“Hemiltonu və Ferstappenı təmsil edən tərəflər bütün özəl komandalarla əlaqə saxlayaraq onların alınmasına maraq göstəriblər”.
“Formula-1”də “Cadillac” komandasının sahibi olan TWG Motorsports Hemiltonun MotoGP-yə daxil olmaq niyyətini dəstəkləyir.
Qeyd edək ki, daha əvvəl MotoGP-də komanda almaq istəyini Maks Ferstappen də ifadə edib. Hazırda “Tech3” ilə bağlı müqavilə variantı istisna olunub, “Honda”, “Yamaha”, “Ducati”, KTM və “Aprilia” kimi zavod komandaları isə satışa çıxarılmır.
Namiq HUN
