Əfsanə unudulmur: Banişevskinin adı tribunada!
Neftçi PFK Azərbaycan futbolunun əfsanəsi Anatoli Banişevskinin xatirəsini əbədiləşdirib.
TodayPress TV klubun mətbuat xidmətinə istinadən xəbər verir ki, “Palms Sports Arena”nın “Cənub” tribunası anadan olmasının 80 illiyi tamam olan Banişevskinin adını daşıyacaq.
Bununla “Neftçi” əfsanəvi “9 nömrə”nin adının yaşadılması istiqamətində növbəti addımı atıb. Artıq “Palms Sports Arena”dakı “Anatoli Banişevski” tribunası bundan sonra keçiriləcək bütün ev oyunlarında azarkeşləri qarşılayacaq.
Bu qərar klub tarixində silinməz iz qoymuş futbolçunun xatirəsinə göstərilən böyük ehtiramın ifadəsi kimi qiymətləndirilir.
Namiq HUN
