Dünya çempionatının bilet qiyməti azaldı

"Çelsi" və "Fluminense" futbol klubları arasında keçiriləcək klublararası dünya çempionatının yarımfinal matçının biletlərinin qiyməti üç gün ərzində 35 dəfədən çox, yəni 473,9 dollardan 13,4 dollara düşüb.

TodayPress TV xəbər verir ki, bu barədə "The Athletic" nəşri xəbər verib.

İngiltərə və Braziliya klubları arasında oyun iyulun 8-də Nyu Cersi ştatının İst-Raterford şəhərində, 80 min tamaşaçı tutumlu MetLife Stadiumunda keçiriləcək.

Eyni zamanda, adətən baha olan stadionun aşağı yerlərinə biletlərin qiyməti 44,60 dollar, "Real Madrid" və "PSJ" arasında iyulun 9-da eyni stadionda keçiriləcək digər yarımfinal matçının biletləri isə 200 dollardan başlayır (2 iyulda 978 dollar olub).