DÇ-2026: Meksika CAR-a qalib gəldi - VİDEO - YENİLƏNİB
Futbol üzrə dünya çempionatında Meksika və Cənubi Afrika Respublikası (CAR) yığmaları arasında keçirilən A qrupunun görüşü başa çatıb.
TodayPress TV xəbər verir ki, Meksikadakı "Mexiko Siti" stadionunda baş tutan DÇ-2026-nın açılış matçı ev sahiblərinin 2:0 hesablı qələbəsi ilə bitib.
9-cu dəqiqədə Xulian Kinyones və 67-ci dəqiqədə Raul Ximenes fərqləniblər.
Qeyd edək ki, bu qrupun digər matçı Cənubi Koreya və Çexiya milliləri arasında keçiriləcək. Sözügedən qarşılaşma saat 06:00-da start götürəcək.
xxx
Futbol üzrə dünya çempionatında Meksika və Cənubi Afrika Respublikası (CAR) yığmaları arasında keçirilən A qrupunun görüşündə ikinci qol vurulub.
TodayPress TV xəbər verir ki, paytaxt Mexikodakı "Mexiko Siti" stadionunda keçirilən matçda ev sahibləri hesab arasındakı fərqi artırıblar - 2:0.
67-ci dəqiqədə Raul Ximenez fərqlənib.
xxx
Meksika hesabı açır. Julian Kinonyes 9-cu dəqiqədə fərqlənir.
XXX
Meksikada futbol üzrə dünya çempionatına start verilib.
TodayPress TV xəbər verir ki, A qrupunun ilk matçında ev sahibi komanda Cənubi Afrika Respublikası (CAR) ilə qarşılaşır.
Paytaxt Mexikodakı "Mexiko Siti" stadionunda başlayan görüşü braziliyalı FIFA referisi Vilton Sampayo idarə edir.
Oyunun start fiti saat 23:00-da səslənib.
