Çimərlik güləşçilərinin Poreç sınağı

Xorvatiya çimərlik güləşi üzrə yeniyetmə (U15, U17) və gənclər (U20) arasında Avropa çempionatına ev sahibliyi edəcək.   

TodayPress TV xəbər verir ki, iki gün davam edəcək yarışın ilk günündə yeniyetmələr, daha sonra isə gənclər arasında qaliblər müəyyənləşəcək. 

Poreç turnirində ölkəmiz U17 yaş qrupunda təmsil olunacaq. Avropa çempionatının mükafatları uğrunda Rəşid Nazarov (60 kq), Ayxan Quliyev, Ruslan Vəliyev (hər ikisi 70 kq) və Nihad Süleymanlı (80 kq) mübarizə aparacaqlar. 

Laquna çimərliyində keçiriləcək yarışda I-S dərəcəli hakim Sədi Quliyev ədaləti qoruyacaq.   

Namiq HUN