Burak Yılmaz: “Qarabağ” “Çelsi” ilə matçda sürpriz edə bilər”
Türkiyəli futbol mütəxəssisi Burak Yılmaz UEFA Çempionlar Liqasının Liqa mərhələsinin IV turunda “Qarabağ” və “Çelsi” komandaları arasında keçiriləcək oyunla bağlı fikirlərini bölüşüb.
TodayPress TV xəbər verir ki, AZƏRTAC-a eksklüziv açıqlama verən sabiq futbolçu görüşün maraqlı keçəcəyini deyib:
“Ağdam təmsilçisi yaxşı komandadır. İllərdir Avropada uğurla çıxış edirlər. Yaxşı baş məşqçiləri və heyəti var. “Çelsi” ilə oyun çətin olacaq. İnşallah, Azərbaycan çempionu London klubu ilə matçda sürpriz edə bilər. Komandanıza uğurlar arzulayıram”.
Qeyd edək ki, bu gün Tofiq Bəhramov adına Respublika Stadionunda keçiriləcək “Qarabağ” - “Çelsi” matçı saat 21:45-də başlayacaq.
Namiq HUN
