Bred Pitt: “Mən onu çox sevirəm”
Hollivud ulduzu Bred Pitt Argentina millisinin və “İnter Mayami” klubunun hücumçusu Lionel Messiyə heyranlığını ifadə edib.
TodayPress TV xəbər verir ki, məşhur aktyor “Goal.com”a verdiyi açıqlamada futbol əfsanəsini təriflərə qərq edib:
“Bəli, o heyrətamizdir! Mən onu çox sevirəm. Əgər turist olsaydım, gedib onu izləyərdim. Onun dünya səhnəsində - dünya çempionatında parlaması üçün uzun müddət lazım oldu. Amma sonuncu dəfə... bəli, o bunu bacardı! Və mən anladım: bax, bu belə olurmuş”.
Xatırladaq ki, Lionel Messi 2023-cü ildən “İnter Mayami” klubunda çıxış edir. MLS-in ən yüksək maaş alan futbolçusu 2025-ci il mövsümündə 13 oyunda 10 qol vurub və 5 məhsuldar ötürmə edib.
Namiq HUN
