“Beşiktaş” mərakeşli ulduzu transfer siyahısına daxil etdi
“Beşiktaş” klubu qış transfer pəncərəsi üçün heyətini gücləndirmək istiqamətində addımlarını davam etdirir.
TodayPress TV-nin məlumatına görə, İstanbul təmsilçisi Niderlandın “Utrext” komandasında forma geyinən mərakeşli sol cinah müdafiəçisi Souffian El Karouanini transfer siyahısına əlavə edib.
“Beşiktaş” müqaviləsi mövsümün sonunda başa çatacaq 25 yaşlı futbolçunu bonservissiz transfer etməyi planlaşdırır.
Müdafiəçi ilə “Real Betis”, PSV və “Portu” klubları da maraqlanır.
Qeyd edək ki, El Karouani cari mövsümdə meydana çıxdığı 26 matçda 3 qol vurub və 14 məhsuldar ötürmə edib.
Namiq HUN
