“Bernli” Constonu transfer etmək istəyir

İngiltərənin “Bernli” klubu “Vulverhempton”un qapıçısı Sem Constona maraq göstərir.

TodayPress TV xəbər verir ki, bu barədə "The Sun" nəşri məlumat yayıb.

Bildirilib ki, “Bernli” “Mançester Siti”yə keçmək üzrə olan Ceyms Traforda əvəzləyici axtarır və 32 yaşlı Conston əsas namizədlərdən biri hesab olunur. “Vulverhempton” qolkiperin transferi üçün təxminən 10 milyon avro tələb edir. Bununla belə, oyunçunun icarəyə götürülməsi variantı da müzakirə olunur.

Qeyd edək ki, Sem Conston 2024/25 mövsümündə 10 oyunda iştirak edib və 19 qol buraxıb. Onun klubla müqaviləsi 30 iyun 2028-ci ilədək qüvvədədir.

"Transfermarkt" portalı Constonun dəyərini 6 milyon avro olaraq qiymətləndirir.

Töhfə Səməd