“Ayaks”da “Qarabağ” matçı öncəsi böhran
“Ayaks” klubunun futbolçusu Kennet Teylorun Çempionlar Liqasının Liqa mərhələsinin VI turunda “Qarabağ”a qarşı oynamağı sual altındadır.
TodayPress TV Amsterdam təmsilçisinin baş məşqçisi Fred Qrimə istinadən xəbər verir ki, gənc yarımmüdafiəçinin meydana çıxması həkimlərin qərarından asılı olacaq.
Teylorla yanaşı, hücumçu Vaut Veqhorst da zədəli durumdadır. “Fortuna” ilə görüşdə (3:1) zədələnən futbolçunun “Qarabağ”a qarşı oynayıb-oynamayacağı hələlik məlum deyil.
Qeyd edək ki, dekabrın 10-da Tofiq Bəhramov adına Respublika Stadionunda keçiriləcək “Qarabağ” - “Ayaks” görüşü saat 21:45-də başlayacaq.
Namiq HUN
