Avropa liqalarında toxunulmaz iki komanda
Münhen “Bavariya”sının baş məşqçisi Vensan Kompani və “Portu” klubunun baş məşqçisi Françesko Farioli milli çempionatlarda mövsümün birinci yarısını məğlubiyyətsiz başa vuran yeganə mütəxəssislər olublar.
TodayPress TV xəbər verir ki, Kompani Bundesliqada 15, Farioli isə Portuqaliya çempionatında 16 oyundur məğlubiyyət üzü görməyib.
“Portu” 16 turdan sonra 46 xalla Portuqaliya çempionatının turnir cədvəlinə başçılıq edir. Komanda ikinci pillədə qərarlaşan “Sportinq”i 5 xal qabaqlayır.
“Bavariya” da Almaniya Bundesliqasında inamlı liderdir. Münhen təmsilçisi 15 turdan sonra 41 xal toplayıb və ikinci yerdə olan Dortmund “Borussiya”sını 9 xal geridə qoyur.
Namiq HUN
