AFFA Tsxadadze ilə bağlı qərarını açıqladı
“Qəbələ” klubunun baş məşqçisi Kaxaber Tsxadadze dörd oyunluq cəza alıb.
TodayPress TV AFFA-nın İntizam Komitəsinə istinadən xəbər verir ki, buna səbəb gürcüstanlı mütəxəssisin Premyer Liqanın XVI turunda “Qarabağ”la oyunda (1:2) hakimləri təhqir etməsi olub.
AFFA İntizam Komitəsi qərara əsasən, “Qəbələ” klubunu 10 000 manat cərimələyib.
Bundan əlavə, “Qəbələ” komandası matçda dörd futbolçunun sarı vərəqə almasına görə 700 manat, “Qarabağ” klubu isə azarkeşlərin pirotexniki vasitələrdən istifadəsinə görə 5 000 manat cərimə edilib.
Namiq HUN
