Təhqirə görə tanışını qətlə yetirən şəxsə hökm oxundu
Bakıda təhqirə görə otaq yoldaşını qətlə yetirməkdə təqsirləndirilən Hikmət Muxtarovun cinayət işi üzrə məhkəmənin yekun prosesi keçirilib.
TodayPress TV xəbər verir ki, bu gün Bakı Ağır Cinayətlər Məhkəməsində hakim Aytən Əliyevanın sədrliyi ilə keçirilən prosesdə hökm oxunub.
Hökmə əsasən, Hikmət Muxtarov 16 il müddətinə azadlıqdan məhrum edilib.
O, cəzasını ciddi rejimli cəzaçəkmə müəssisəsində çəkəcək.
Qeyd edək ki, hadisə ötən il avqustun 4-də Əliyar Əliyev küçəsindəki evlərdən birində qeydə alınıb.
1973-cü il təvəllüdlü Ülvi Qasımovun öldürülməsi barədə 17-ci polis şöbəsindən Nərimanov rayon prokurorluğuna məlumat daxil olub.
Araşdırma zamanı, Hikmət Muxtarovun mübahisə zamanı təhqirə görə bıçaq zərbələri ilə tanışı Ülvi Qasımovu qətlə yetirməsi müəyyən edilib.
H.Muxtarov şübhəli şəxs qismində saxlanılıb.
