TƏCİLİ! Azyaşlı uşaq təhlükəli yolda aşkarlandı, valideynləri axtarılır

Yol Patrul Xidməti (YPX) əməkdaşları hərəkətin intensiv olduğu kənar dairəvi yolda azyaşlı uşağı təhlükəli ərazidən keçərkən aşkarlayıblar.

TodayPress TV xəbər verir ki, bu barədə Daxili İşlər Nazirliyinin mətbuat xidmətinin rəisi Elşad Hacıyev öz "Facebook" hesabında paylaşım edib.

Onun sözlərinə görə, polis əməkdaşları tərəfindən müəyyən edilən uşağın adı Səiddir. Hadisə zamanı azyaşlı dərhal təhlükəsiz əraziyə çıxarılıb.

Uşağı tanıyan şəxslərdən onun valideynlərinin və ya ailə üzvlərinin tapılmasına köməklik göstərmələri xahiş olunur.

Bildirilib ki, hazırda azyaşlı ekoloji nəzarət postundadır və onunla polis əməkdaşları məşğul olur.

Qiymət Mahir