Lənkaranda avtomobil ağaca çırpıldı, sürücü öldü
Lənkəran rayonunda ölümlə nəticələnən yol-nəqliyyat hadisəsi baş verib.
TodayPress TV AZƏRTAC-a istinadən xəbər verir ki, hadisə gecə saatlarında köhnə Ələt-Astara magistralının Lənkəran rayonunun Liman şəhəri ərazisindən keçən hissəsində qeydə alınıb.
İlkin məlumata görə, Lənkəran rayonunun Zövlə kənd sakini, 1962-ci il təvəllüdlü Elşad Kişi oğlu Salayevin idarə etdiyi "VAZ-2106" markalı, 42 CD 389 dövlət qeydiyyat nişanlı avtomobil hərəkətdə olarkən idarəetmədən çıxıb. Nəticədə nəqliyyat vasitəsi yol kənarındakı kanala düşərək ağaca çırpılıb.
Qəza nəticəsində sürücü hadisə yerində həyatını itirib. Onun meyiti aidiyyəti üzrə təhvil verilib.
Məlumata görə, sürücünün qəzadan əvvəl ürəktutma keçirməsi ehtimal olunur. Bu səbəbdən yol-nəqliyyat hadisəsinin qaçılmaz olduğu bildirilir. Ölümün dəqiq səbəbi və hadisənin bütün təfərrüatları aparılan ekspertiza və araşdırmaların nəticəsindən sonra məlum olacaq.
Faktla bağlı araşdırma aparılır.
