AMB-də "üzən faiz dərəcəli istiqrazlar" mövzusunda təqdimat keçirildi

Avropa Yenidənqurma və İnkişaf Bankının (EBRD) nümayəndələri Azərbaycan Mərkəzi Bankında (AMB) yerli maliyyə qurumlarının əməkdaşları üçün "üzən faiz dərəcəli istiqrazlar" mövzusunda təqdimat keçirib.

TodayPress TV AMB-yə istinadən xəbər verir ki, görüşdə son illər banklararası pul bazarının inkişafı istiqamətində görülmüş işlər, AZİR indeksi və onun hesablanmasında tətbiq edilən yeni metodologiya, eləcə də bu indeksin pul siyasətinin transmissiyasında artan rolu barədə geniş məlumat verilib.

Yerli kapital bazarında milli valyutada üzən faiz dərəcəli istiqrazların emissiyası zamanı AZİR indeksinin istinad faiz dərəcəsi kimi tətbiqi ilə bağlı məsələlər ətraflı şəkildə nəzərdən keçirilib, bu istiqamətdə iştirakçıların çoxsaylı sualları cavablandırılıb.