Zelenski: "Orbanla danışmıram, amma..."

Ukrayna Prezidenti Volodimir Zelenski Macarıstanın Baş naziri Viktor Orbanla birbaşa ünsiyyət qurmadığını, lakin onu Ukraynaya dəvət etdiyini bildirib.

TodayPress TV xəbər verir ki, Zelenski bu barədə "Politico" qəzetinə müsahibəsində danışıb.

Onun sözlərinə görə, o, Slovakiyanın Baş naziri Robert Fitso vasitəsilə Orbanı Ukraynaya dəvət edib və görüşün ikitərəfli və ya üçtərəfli formatda keçirilə biləcəyini təklif edib.

Zelenski əlavə edib ki, hazırda əsas mübahisə Rusiya nefti məsələsi ilə bağlıdır. O qeyd edib ki, Macarıstan və Slovakiya Ukraynanın “Drujba” kəməri ilə Rusiya neftinin tranzitini dayandırmasından narazıdır.

Qiymət Mahir