Xizəkçi Olimpiada öncəsi məşqdə xəsarət aldı
Norveçli xizəkçi Kristine Şistad Olimpiya Oyunları öncəsi məşq zamanı üz nahiyəsindən xəsarət alıb.
TodayPress TV xəbər verir ki, bu barədə “TV2” telekanalı məlumatın yayıb.
Bildirilib ki, hadisə İtaliyada keçiriləcək Olimpiya Oyunları çərçivəsində yarış öncəsi Val-di-Fiemmedə baş tutan məşq zamanı qeydə alınıb.
Məlumata əsasən, idmançı döngədə birlikdə məşq etdiyi digər xizəkçilərlə toqquşaraq yıxılıb.
Komanda həkiminin sözlərinə görə, idmançının vəziyyəti qənaətbəxşdir:
“Hər şey qaydasındadır. Artıq bir neçə dövrə vurmuşuq. Bir neçə cızıq var, amma ümumilikdə vəziyyət yaxşıdır”.
Qeyd olunur ki, hadisədən sonra Kristine Şistad mətbuatla ünsiyyətdən imtina edib.
Aysel Mətləb
