Xaricdə yaşayan ukraynalı qaçqınların sayı 7 milyona yaxınlaşdı

Ukraynadan xaricə köçən qaçqınların sayı 6,9 milyona çatıb. 

TodayPress TV xəbər verir ki, bu barədə Ukrayna Milli Bankın məlumat yayıb.

Məlumata görə, təkcə 2025-ci ilin əvvəlindən bu günə qədər ölkəni 100 minə yaxın insan tərk edib.

Milli Bankın hesablamalarına əsasən, 2025-ci ilin mart ayında Ukraynada 3,8 milyon müvəqqəti köçkün qeydiyyata alınıb ki, bu da ilin əvvəlinə nisbətən 188 min nəfər çoxdur.

Eyni zamanda, ölkəyə qayıdan və daimi yaşayış yerinə yerləşən insanların sayı 4,1 milyon nəfər təşkil edir. Onların 16%-i Dnepropetrovsk, 12%-i isə Xarkov vilayətində məskunlaşıb.

Türkan İsgəndərli