Xamenei nüvə danışıqlarını bərpa etməyə razılıq verdi

İran İslam Respublikasının Ali Rəhbəri Seyid Əli Xamenei Tehrana yeni zərbələrdən yayınmaq üçün nüvə proqramı üzrə danışıqların bərpasını dəstəkləyir.

TodayPress TV xəbər verir ki, bu barədə “Reuters” mənbələrə istinadən məlumat yayıb.

“Son söz Ayətullah Seyid Əli Xameneiyə məxsusdur. KİV-dəki mənbələrin məlumatına görə, o və ruhanilər İran İslam Respublikasının “sağ qalması” üçün həyati əhəmiyyət kəsb edən danışıqları davam etdirmək barədə razılığa gəliblər”, - agentlik yazıb.

Eyni zamanda, İran Xarici İşlər Nazirliyi nüvə danışıqlarının bərpası ilə bağlı hələlik rəsmi qərarın verilmədiyini bildirib.