Vens: "İranla danışıqlarda irəliləyiş var"
ABŞ-nin vitse-prezidenti Ceyms Devid Vens İranla aparılan danışıqlarda irəliləyişin olduğunu bildirib.
TodayPress TV xəbər verir ki, bu barədə o, jurnalistlərlə ünsiyyət zamanı danışıb.
"Bunlar çox həssas danışıqlardır. Məhsuldar müzakirələr aparmağa çalışdığımız üçün sizə hər şeyi deyə bilmərəm", - deyə o, Tehranla məsləhətləşmələrin gedişi barədə sualı cavablandırarkən bildirib.
"Bu gün səhər Cared Kuşner (ABŞ Prezidenti Donald Trampın kürəkəni - red.), Stiv Uitkoff (ABŞ Prezidentinin xüsusi nümayəndəsi - red.) və ərəb dünyasındakı bir neçə dostumuzla telefon vasitəsilə uzunmüddətli müzakirələr apardım. Hesab edirəm ki, biz irəliləyişə nail oluruq", - deyə Vens əlavə edib.
Aysel Mətləb
