Velosiped biznesi ilə məşğul olan cütlüyə edam cəzası verildi

Şimali Koreyada Pxenyanın Sadonq qraflığında velosiped icarəsi və elektrik velosipedlərin, motosikletlərin satışı ilə məşğul olan cütlük edam cəzasına məhkum edilib.

TodayPress TV xəbər verir ki, medianın məlumatına görə, biznes rəsmi qeydiyyatdan keçməsinə baxmayaraq, yüksək qiymətlər səbəbindən həm hökumətin, həm də ictimaiyyətin diqqətini cəlb edib və xeyli qeyri-qanuni gəlir əldə olunub.

Hökumət sahibkarları qanunu pozmaqda, xarici təşkilatlar vasitəsilə valyuta köçürməkdə və hökumət əleyhinə mesajlar yaymaqda ittiham edib. Onların həbsindən sonra 20-yə yaxın digər şəxs sürgün və ya yenidən təhsil almaq cəzası alıb.

Hökm 200-dən çox insanın toplaşdığı açıq ərazidə elan edilib. Bazar menecerləri, satıcılar və digər kiçik biznes nümayəndələri məcburi olaraq tədbirə qatılıb, valideynlər isə azyaşlı uşaqları ilə birlikdə iştirak edib. Yoldan keçən məktəblilər də kütləyə qoşulub.

Türkan İsgəndərli