Uşakov: Hörmüz boğazı Rusiya üçün açıqdır
Rusiya Hörmüz boğazından istifadə ilə bağlı məhdudiyyətlərlə üzləşmədiyini bildirib.
TodayPress TV xəbər verir ki, bunu Rusiya prezidentinin beynəlxalq məsələlər üzrə köməkçisi Yuri Uşakov bildirib.
Onun sözlərinə görə, Yaxın Şərqdə vəziyyət ağır olaraq qalır, lakin Hörmüz boğazı Rusiya üçün açıqdır.
Uşakov həmçinin ABŞ prezidenti Donald Trampın Avropa İttifaqı ölkələrinə boğazdan keçidi müstəqil təmin etməyi və Tehrana dost ölkələr vasitəsilə vasitəçilik təklifinə də münasibət bildirib.
O qeyd edib ki, bu məsələ ilə bağlı ABŞ tərəfindən Rusiyaya hər hansı müraciət daxil olmayıb.
