Ukraynaya daha bir maliyyə yardımı: Aİ-dən 3,2 milyard avro
Avropa İttifaqı (Aİ) Ukraynaya daha bir maliyyə yardımı ayırdığını açıqlayıb. Bu, ümumilikdə dördüncü tranşdır və məbləği 3,2 milyard avro təşkil edir.
TodayPress TV xəbər verir ki, bu barədə “RİA” agentliyi məlumat yayıb. Bildirilir ki, qərar Avropa İttifaqı Şurası tərəfindən təsdiqlənib.
Sənəddə qeyd olunub ki, maliyyələşdirmə Ukraynanın makromaliyyə sabitliyini gücləndirməyə və dövlət idarəetmə orqanlarının fəaliyyətini dəstəkləməyə yönəlib. Ümumilikdə, Aİ 2024–2027-ci illər ərzində Ukraynaya təxminən 50 milyard avro dəyərində qrant və kredit formasında makromaliyyə yardımı göstərməyi öhdəsinə götürüb.
Qiymət Mahir
