Tusk: "Rusiya Ukrayna ilə Polşanın arasını vurur"

Polşanın Baş naziri Donald Tusk, Rusiyanı Ukrayna ilə Polşa arasında fikir ayrılığı yaratmaq cəhdində ittiham edib. 

TodayPress TV xəbər verir ki, o, bu barədə "X" sosial şəbəkəsində paylaşım edib.

Baş nazirin sözlərinə görə, Polşada artan anti-Ukrayna əhval-ruhiyyəsi Rusiya Prezidenti Vladimir Putinin və xarici agentlərin planlaşdırdığı ssenaridir. O, bu təbliğatın məqsədinin Polşa ilə Ukrayna arasında unikal və strateji münasibətləri pozmaq olduğunu vurğulayıb.

Tusk həmçinin hər iki ölkənin liderlərini və cəmiyyətlərini bu münasibətləri möhkəmləndirməyə və təxribatlara uymamağa çağırıb.

Türkan İsgəndərli