Tramp Ramafosaya qarşı “Zelenski ssenarisi”ni təkrarladı

ABŞ prezidenti Donald Tramp Cənubi Afrika Respublikasının prezidenti Siril Ramafosaya qarşı Oval kabinetdə əvvəlcə Ukrayna prezidenti Volodimir Zelenski ilə yaşanan qalmaqala bənzər “öncədən planlaşdırılmış” situasiya yaradıb.

TodayPress TV xəbər verir ki, bu barədə “The Hill” məlumat yayıb.

Məqalə müəlliflərinin fikrincə, Tramp bu görüşdən daxili auditoriyasına xoş gəlmək üçün istifadə edib:

“Bu dəfə Tramp Cənubi Afrika prezidenti Ramafosanı hədəfə alıb. Eynilə, o və vitse-prezident Ceyms Devid Vens fevralın sonunda prezident Zelenskiyə qarşı da oxşar tənqidi mövqe sərgiləmişdi”.

Qəzet yazıb ki, görüş Zelenski ilə olandan daha sakit keçsə də, Trampın Oval kabinetdə işıqları azaldaraq Cənubi Afrikalı siyasətçilərin təhrikedici çıxışlarından ibarət video nümayiş etdirməsi “əvvəldən qurulmuş pusqu” təsiri bağışlayıb.

Prezident Ramafosa həmin iddiaları təkzib etsə də, Zelenski üslubunda açıq qarşıdurmaya girməyib və Cənubi Afrika hökumətinin ağdərililərə qarşı təzyiqləri dəstəklədiyi iddialarını rədd edib.

“The Hill” daha əvvəl yazmışdı ki, Ramafosanın müşavirləri Vaşinqton səfəri zamanı prezidentin Oval kabinetdə Trampdan “sərt qarşılanma” görəcəyindən ehtiyat edirdilər. Tramp isə bir qədər əvvəl “Zelenski Afrikada nə cəhənnəm axtarırdı?” sualını gündəmə gətirmişdi.

Qiymət Mahir