Tramp orduya Venesuela neftini blokadaya almağı əmr etdi
Ağ Ev ABŞ ordusuna növbəti iki ay ərzində Venesuela neftinin "karantinə alınmasına" diqqət yetirməyi əmr edib.
TodayPress TV xəbər verir ki, bu barədə "Reuters" agentliyi məlumat yayıb.
Bildirilib ki, Vaşinqton sanksiyalar da daxil olmaqla, Karakasa iqtisadi təzyiq göstərmək qərarına gəlib, lakin hərbi variantlar hələ də mövcuddur.
Xatırladaq ki, dekabrın ortalarında ABŞ Prezidenti Donald Tramp Venesuelaya gedən və ya Venesueladan gələn bütün sanksiyalı neft tankerlərinin blokadaya alındığını elan edib. Bundan sonra ABŞ qüvvələri Venesuela sahillərində iki neft tankerini - "Skipper" və "Centuries"i ələ keçirib. Tramp bildirib ki, ABŞ neft tankerlərinin ələ keçirilməsindən əldə edilən müsadirə olunmuş nefti saxlayacaq.
"Biz gəmiləri sata və ya strateji ehtiyatlar üçün istifadə edə bilərik. Biz onu saxlayırıq", - deyə Ağ Ev lideri qeyd edib.
ABŞ-nin hərəkətlərinə cavab olaraq, Venesuela dəniz qüvvələrinin mühafizəsi altında olan limanlarından neft tankerlərini geri çəkməyə başlayıb.
Aysel Mətləb
