Tramp G7-də Zelenski ilə görüşməyəcək
ABŞ prezidenti Donald Trampın Kanadada keçirilən “Böyük Yeddilik” (G7) sammitindən vaxtından əvvəl ayrılması səbəbindən Ukrayna lideri Volodimir Zelenski ilə planlaşdırılan görüş baş tutmayacaq.
TodayPress TV xəbər verir ki, bu barədə Avstriyanın “Die Presse” qəzeti məlumat yayıb.
Bildirilib ki, Zelenski iyunun 16-da Vyanaya səfər etdikdən sonra Kanadaya yollanıb.
“Bu gün Zelenski Tramp ilə G7 sammitinin kuluarlarında görüşməli idi. Lakin ABŞ prezidentinin sammiti vaxtından əvvəl tərk etməsi səbəbindən görüş baş tutmayacaq”, - deyə nəşr yazıb.
Qeyd edək ki, ABŞ administrasiyası daha əvvəl Tramp və Zelenski arasında Kanadanın Kananaskis şəhərində görüş planlaşdırıldığını bildirmişdi.
Töhfə Səməd
