Tehrandan dünyaya çağırış: 17 zərbə dalğası..
İran beynəlxalq birliyi dinc məqsədli nüvə obyektlərinə qarşı silahlı hücumlara münasibətdə "sıfır dözümlülük siyasəti" yürütməyə çağırıb.
TodayPress TV xəbər verir ki, bu barədə Tehran, Beynəlxalq Atom Enerjisi Agentliyinin (BAEA) Müvəkkillər Şurasının xüsusi iclasında bəyan edib.
Qeyd olunub ki, ABŞ və İsrail 2025 və 2026-cı illərdə İranın mühafizə olunan nüvə obyektlərinə qarşı 17 zərbə dalğası həyata keçirib.
İran nümayəndə heyətinin bəyanatında bildirilir ki, ən ciddi hücumlardan biri Buşəhr Nüvə Elektrik Stansiyasının minlərlə kiloqram nüvə materialının saxlanıldığı reaktorundan cəmi 350 metr aralıda yerləşən tikilini hədəf alıb.
BAEA-nın Baş direktoru daha əvvəl xəbərdarlıq etmişdi ki, stansiyaya birbaşa zərbə "ətrafa çox yüksək dərəcədə radioaktivlik sızması" ilə nəticələnə bilər.
Aysel Mətləb
