Tayvanda torpaq sürüşməsi nəticəsində 14 nəfər öldü
Tayvanın Hualien bölgəsində güclü yağışlar nəticəsində palçıq bəndi uçub. Nəticədə yaranan göl daşaraq Quanqfu kəndini su basıb.
TodayPress TV xəbər verir ki, bu barədə "Focus Taiwan" məlumat yayıb.
Hadisə nəticəsində azı 14 nəfər həyatını itirib, onlarla insan isə itkin düşüb.
Hadisədən sonra 3000-dən çox insan təhlükəli ərazidən təxliyə edilib. Hazırda xilasedicilər axtarış-xilasetmə işlərini davam etdirirlər.
Sel Quanqfudakı dəmiryolu vağzalına və ərazidəki körpülərdən birinə də ziyan vurub.
Təbiət hadisəsinə səbəb olan “Raqasa” tayfununun küləyi 265 km/saat sürətə çatıb.
Qeyd edək ki, bu tayfun sentyabrın 22-də Tayvanla Filippin arasındakı Luzon boğazında qeydə alınıb.
Türkan İsgəndərli
