Suriyada yeni hakimiyyət Bəşər Əsədin əmisi oğlunu həbs etdi

Suriya Daxili İşlər Nazirliyi keçmiş prezident Bəşər Əsədin əmisi oğlu Vasim Əsədin narkotik ticarəti və digər qanunsuz fəaliyyətlərdə ittiham olunaraq həbs edildiyini açıqlayıb.

TodayPress TV xəbər verir ki, nazirliyin yaydığı bəyanata əsasən, Vasim Əsəd ölkənin ən tanınmış narkotik satıcılarından biri hesab olunur və “əvvəlki rejimin cinayətlərində” iştirak edib.

Rəsmi məlumata görə, Vasim Əsəd Suriya-Livan sərhədi yaxınlığında xüsusi xidmət orqanlarının birgə əməliyyatı nəticəsində saxlanılıb.

Suriya dövlət agentliyi "SANA"nın mənbələri əməliyyatın uğurla icra edildiyini və istintaqın davam etdiyini bildiriblər.

Qiymət Mahir