Suriyada meşə yanğınları: 30-dan çox yaralı var

Suriyanın qərbində – Latakiya, Tartus və Hama vilayətlərində baş verən meşə yanğınları bir neçə evi məhv edib, azı 30 nəfər xəsarət alıb.

TodayPress TV xəbər verir ki, “Al-Ikhbaria” telekanalının məlumatına görə, Hama vilayətinin qərbində alov yaşayış məntəqələrinə qədər yayılıb.

Ölənlər barədə hələlik məlumat yoxdur.

Yanğının söndürülməsinə 50-dən çox yanğınsöndürmə briqadası və hərbçilər cəlb olunub. İsti hava, güclü külək və mürəkkəb relyef işləri çətinləşdirir. Bəzi ocaqlara yol açmaq üçün ağır texnikadan istifadə olunur. Bundan başqa, ərazilərdə qalan minalar və partlamamış sursatlar fövqəladə xidmət əməkdaşlarının və hərbçilərin təhlükəsizliyinə təhdid yaradır.

Qiymət Mahir