Səudiyyə Ərəbistanı 8,3 milyard dollarlıq yaşıl enerji layihələri elan etdi
Səudiyyə Ərəbistanının aparıcı şirkətləri, o cümlədən "ACWA Power" və “Aramco”nun törəmə şirkəti, ümumi gücü 15 qiqavat olan bərpa olunan enerji layihələri üçün elektrik alqı-satqısı üzrə müqavilələr imzalayıblar.
TodayPress TV xəbər verir ki, bu barədə ölkənin dövlət informasiya agentliyi "SPA" məlumat yayıb.
Layihələrin ümumi investisiya dəyəri 8,3 milyard dollar təşkil edir.
"ACWA Power", Səudiyyə Dövlət İnvestisiya Fonduna məxsus “Badeel” və “Aramco Power” ilə tərəfdaşlıq çərçivəsində yeddi saziş imzalayıb.
Layihələrə Asir, Mədinə, Məkkə və Ər-Riyad şəhərlərində beş günəş elektrik stansiyası, eləcə də Ər-Riyadda iki külək elektrik stansiyası daxildir.
Qiymət Mahir
