Sarkozi: “Həbsxana həyatı yorucu və çox çətindir”
Fransanın keçmiş prezidenti Nikola Sarkozi həbsxana həyatını yorucu və çox çətin adlandırıb.
TodayPress TV xəbər verir ki, bu barədə "BFMTV" məlumat yayıb.
Sarkozi bu fikri onun azadlığa buraxılması və barəsində seçilmiş həbs-qətimkan tədbirinin dəyişdirilməsi məsələsinə baxılan apellyasiya məhkəməsində səsləndirib. “Mən etmədiyim bir şeyi heç vaxt etiraf etməyəcəyəm”, – deyə o əlavə edib.
Xatırladaq ki, oktyabrın 21-də Nikola Sarkozi 2007-ci il seçki kampaniyasının Liviya hökuməti tərəfindən qeyri-qanuni maliyyələşdirildiyi iddiası ilə 5 il müddətinə azadlıqdan məhrum edilərək Paris həbsxanasına gətirilib.
Türkan İsgəndərli
