Rusiya və Qazaxıstan hava hücumundan müdafiə təlimi keçirir
Qazaxıstan Rusiya ilə birlikdə fevralın 20-dən martın 10-na qədər planlaşdırılmış hava hücumundan müdafiə təlimi keçirir.
TodayPress TV xəbər verir ki, bu barədə Qazaxıstan Müdafiə Nazirliyinin mətbuat xidməti məlumat yayıb.
"Qazaxıstan Respublikası və Rusiya Federasiyasının Vahid Regional Hava Hücumundan Müdafiə Sistemi üzrə birgə fəaliyyət planına uyğun olaraq, 20 fevral-10 mart 2026-cı il tarixlərində planlaşdırılmış hava hücumundan müdafiə təlimi keçiriləcək. Təlim zamanı hava hədəflərini aşkar etmək və izləmək, hava məkanını pozan təyyarələri ələ keçirmək və onları təyin olunmuş aerodromlara enməyə məcbur etmək tapşırıqları yerinə yetiriləcək", - deyə açıqlamada bildirilib.
Aysel Mətləb
