Qustavo Petro: "Dünya müharibəsini dayandırmaq üçün gedirəm"
Kolumbiya Prezidenti Qustavo Petro "Üçüncü Dünya müharibəsini dayandırmaq üçün" ABŞ-yə səfər edəcəyini bildirib.
TodayPress TV xəbər verir ki, bu barədə o, "CBS" telekanalına verdiyi müsahibəsində danışıb.
Bölgədəki gərginlikdən narahatlığını ifadə edən Petro, ölkəsinin müdafiə imkanlarının zəif olduğunu etiraf edib:
"Venesueladakı raket və helikopter görüntülərini görəndə təhlükəni hiss etməmək mümkün deyil, çünki bizim heç hava hücumundan müdafiə sistemimiz də yoxdur. Əgər Kolumbiya prezidentinə qarşı hər hansı sui-qəsd və ya təxribat baş verərsə, bu, ölkədə vətəndaş müharibəsinə və ABŞ-yə qarşı böyük nifrətə səbəb olar. Belə bir gərginlik hər kəs üçün yanlış və təhlükəli siyasət olardı".
Aysel Mətləb
