Putin Odintsovoda məktəblinin ölümü ilə bağlı başsağlığı verdi
Rusiya Prezidenti Vladimir Putin Odintsovo şəhərinin Qorki-2 kəndində yerləşən Uspenskaya orta məktəbində dördüncü sinif şagirdinin ölümü ilə bağlı Tacikistan Prezidenti Emoməli Rəhmona başsağlığı verib.
TodayPress TV "Gazeta.ru" ya istinadən xəbər verir ki, Putin hadisə ilə bağlı məsul şəxslərin cəzalandırılacağına söz verib və araşdırmanın hərtərəfli aparılacağını bildirib.
Qeyd edək ki, dekabrın 17-də Tacikistan Daxili İşlər Nazirliyi Odintsovoda baş verən hadisə ilə bağlı obyektiv və ətraflı istintaq aparılmasını tələb etmişdi.
Jalə Rövşən
