Polşa və Ukrayna birgə silah istehsalına başlayır
Polşa və Ukrayna silah və döyüş sursatlarının birgə istehsalı ilə bağlı bəyannamə imzalayıb.
TodayPress TV xəbər verir ki, bu barədə Polşanın baş naziri Donald Tusk məlumat verib.
Donald Tusk bildirib ki, Polşa və Ukrayna müəssisələrində müdafiə təyinatlı məhsulların birgə istehsalının reallaşması üçün ciddi səylər göstərilib. Onun sözlərinə görə, bu proses çərçivəsində texnologiyaların mübadiləsini mümkünsüz edən və ya çətinləşdirən maneələrin aradan qaldırılması əsas məqsədlərdən biri olub.
Ukrayna Prezidenti Volodimir Zelenski isə qeyd edib ki, Ukrayna və Polşa birgə şəkildə pilotsuz uçuş aparatları və digər silah növlərinin istehsalını planlaşdırır.
Aysel Mətləb
