Polşa Cənubi Koreya üçün raket istehsalına başlayır
Polşa Cənubi Koreyanın "K239 Chunmoo" çoxnövlü raket sistemləri (Polşada Homar K adı ilə tanınır) üçün raket istehsalına başlayacaq.
TodayPress TV xəbər verir ki, bu barədə Polşanın müdafiə naziri Vladislav Kosiniak-Kamış məlumat verib.
Nazirin "X" sosial şəbəkəsində yazdığına görə, Varşavada Polşanın "WB Electronics" şirkəti ilə Cənubi Koreyanın "Hanwha Aerospace Co. Ltd." arasında əməkdaşlıq müqaviləsi imzalanacaq. Müqavilə Polşada "Homar K MLRS" üçün raket istehsalı zavodunun tikintisinə start verilməsini nəzərdə tutur.
Qeyd edək ki, 2022-ci ilin iyulunda Polşanın əvvəlki hökuməti Cənubi Koreya ilə 288 ədəd "K239 Chunmoo" reaktiv yaylım atəş sistemi və 688 ədəd K9 özüyeriyən haubitsanın tədarükü barədə razılıq əldə edib.
Türkan İsgəndərli
