Peskov Putin–Uitkoff görüşünün vaxtını açıqladı
Rusiya Prezidenti Vladimir Putin gələn həftənin əvvəlində ABŞ Prezidentinin xüsusi nümayəndəsi Stiv Uitkoffu qəbul edəcək.
TodayPress TV xəbər verir ki, bu barədə Kremlin sözçüsü Dmitri Peskov məlumat verib.
O bildirib ki, dəqiq tarix yaxın günlərdə açıqlanacaq.
Qeyd edək ki, ABŞ Prezidenti Donald Tramp noyabrın 25-də sosial şəbəkə hesabında xüsusi elçisi Uitkoffa Moskvada Putinlə görüşmək tapşırığı verdiyini açıqlamışdı.
Tramp həmçinin ABŞ-nin ordu naziri Den Driskollun Ukrayna tərəfi ilə danışıqlar aparacağını bildirmişdi.
