Pavel Durov Paris məhkəməsində dindirildi
İyulun 28-də Paris məhkəməsi "Telegram"ın həmtəsisçisi Pavel Durovun işinə yenidən baxıb.
TodayPress TV xəbər verir ki, bu barədə “Le Monde” məlumat yayıb.
Məlumata görə, Durov yerli vaxtla saat 10:00-da (Bakı vaxtı ilə 12:00) məhkəmə binasına gəlib. Sahibkar məhkəmə zalına dörd vəkilin müşayiəti ilə daxil olub və jurnalistlərin suallarını şərh etmədən keçib.
"Telegram" rəhbəri iki müstəntiq hakim tərəfindən dindirilib. Hazırda işin detalları ictimaiyyətə açıqlanmasa da, bu prosesin Fransa rəsmilərinin kibertəhlükəsizlik və məlumatların qorunması ilə bağlı apardığı istintaq çərçivəsində baş verdiyi güman edilir.
Durovun işi ilə bağlı əlavə təfərrüatların yaxın günlərdə açıqlanacağı gözlənilir.
Türkan İsgəndərli
