Paşinyan seçkilərdən öncə sülh müqaviləsi bağlamaq istəyir
“Parlament seçkilərindən əvvəl Ermənistan hakimiyyətinin gündəliyində Azərbaycanla sülh müqaviləsinin imzalanması var”.
TodayPress TV xəbər verir ki, bunu Ermənistanın Baş naziri Nikol Paşinyan "Ermənistan İctimai Televiziya"sına verdiyi müsahibədə seçkilərdən əvvəl sazişin imzalanması ehtimalı ilə bağlı sualı cavablandırarkən bildirib.
“Mənim bir gündəliyim var. Sülh sazişi layihəsi üzrə danışıqlar 2025-ci ilin mart ayında başa çatdığı üçün gündəliyimə ötən ilin dekabr, yanvar, oktyabr və aprel aylarında sülh sazişi layihəsinin imzalanması daxil idi. Ona görə də işimizi davam etdirəcəyik”, - deyə o vurğulayıb.
Qeyd edək ki, Ermənistanda parlament seçkiləri iyunun 7-də keçiriləcək.
Aysel Mətləb
