Pakistanda yenidən partlayış baş verdi
Pakistanın Bəlucistan əyalətində baş verən partlayış nəticəsində beş əsgər həlak olub, dördü isə yaralanıb. Hadisə Torbat bölgəsində ordu maşınının hədəfə alınması ilə baş verib.
TodayPress TV xəbər verir ki, bu, son 24 saat ərzində ölkədə qeydə alınan üçüncü partlayışdır.
Dünən gecə Kvettada keçirilən siyasi mitinqdə intiharçı hücumu nəticəsində 14 nəfər həyatını itirib, onlarla insan yaralanıb.
Bundan əvvəl isə Hayber-Paxtunxva əyalətinin Bannu bölgəsində təhlükəsizlik qüvvələrinin qərargahına edilən hücum zamanı beş silahlı və altı pakistanlı əsgər ölüb.
Beləliklə, son bir sutkada Pakistanda baş verən hücumlarda ümumilikdə 30-dan çox insan həlak olub.
Türkan İsgəndərli
