Pakistanda polis qərargahına hücum edildi
Pakistanın Peşəvər şəhərində Federal Polisin qərargahına hücum edən üç terrorist zərərsizləşdirilib.
TodayPress TV xəbər verir ki, bu barədə "Dawn" nəşri məlumat yayıb.
Polislərin sözlərinə görə, hücum Bakı vaxtı ilə saat 07:11-də baş verib. İlk kamikadze qərargahın darvazasını partladıb, daha iki nəfər isə binaya girməyə cəhd edərkən polis tərəfindən öldürülüb.
Hadisədən dərhal sonra polis və xilasetmə qrupları əraziyə çatıb. Ərazi qısa müddətdə hərbçilər tərəfindən mühasirəyə alınıb və atışma nəzarət altına alınıb.
Hücum nəticəsində azı üç polis əməkdaşı həlak olub, ikisi yaralanıb. Altıdan çox mülki şəxs də xəsarət alıb.
Türkan İsgəndərli
