Netanyahu Qəzzada atəşkəs planı ilə bağlı Trampla görüşəcək
İsrailin Baş naziri Benyamin Netanyahu dekabr ayının sonunda ABŞ Prezidenti Donald Trampla görüşərək hərtərəfli sakitliyin hələ əldə olunmadığı Qəzza üçün atəşkəs təşəbbüsünün ikinci mərhələsini müzakirə edəcək.
TodayPress TV xəbər verir ki, bunu Netanyahu Qüdsdə Almaniya kansleri Fridrix Mertslə görüşərkən mediaya verdiyi açıqlamada elan edib.
"Biz çox yaxında ikinci mərhələyə keçməyi gözləyirik, bu daha çətindir. Dekabrın sonunda regionda sülh imkanlarını müzakirə etmək üçün Trampla danışıqlar aparılacaq", - deyə o bildirib.
Merts də, öz növbəsində, ikinci mərhələnin indi gəlməli olduğunu və Almaniyanın münaqişənin iki dövlətli həllini dəstəklədiyini vurğulayıb.
Aysel Mətləb
