Netanyahu: “İsrail Müdafiə Qüvvələri Livanın cənubunda qalacaq”
İsrailin Baş naziri Binyamin Netanyahu İsrail Müdafiə Qüvvələrinin 17 aprel saat 01:00-da (Bakı vaxtı ilə) atəşkəs rejiminin qüvvəyə minməsindən sonra Livanın cənubundakı mövqelərində qalacağını açıqlayıb.
TodayPress TV “Ynet” portalına istinadən xəbər verir ki, bu barədə baş nazir, İsrail təhlükəsizlik kabinetinin təcili telefon iclasında məlumat verib.
Portalın məlumatına görə, nazirlər arasında səsvermə keçirilməyib və Netanyahu ABŞ Prezidenti Donald Trampın tələbi ilə atəşkəsin gecəyarısı başlayacağını açıqlayıb.
Baş nazirin sözlərinə əsasən, İsrail Müdafiə Qüvvələri Livanın cənubundakı mövqelərində qalacaq.
Aysel Mətləb
