Nepalda xarici ticarət sürətlə artır

Nepal cari 2025–26-cı maliyyə ilinin ilk dörd ayında xarici ticarətdə ciddi artım qeydə alıb.

TodayPress TV xəbər verir ki, Gömrük Departamentinin açıqladığı rəsmi hesabata görə, ölkənin ümumi ticarət dövriyyəsi ötən ilin eyni dövrü ilə müqayisədə 24,18 faiz artaraq iyulun ortalarından noyabrın ortaları aralığında 702,94 milyard Nepal rupisinə çatıb.

Bu rəqəm keçən il 566,05 milyard rupisi təşkil edirdi.

Hesabata əsasən, ixrac göstəriciləri xüsusi olaraq yüksəlib — 77,51 faiz artaraq 93,49 milyard rupiyə çatıb. İdxal isə 18,71 faiz artımla 609,45 milyard rupisi olub.

Qeyd edək ki, 1 Nepal rupisi təxminən 0,0070 ABŞ dollarına bərabərdir.

Qiymət Mahir